قناة الناس ضحك ولعب و الابندا

مكنتش اصدق ان قناة الناس ممكن تستعين ببعض الكومبارسات فى مدينة الانتاج الاعلامى للشكر فى شيوخ القناه والشكر فى برامج قناة الناس فى شهر رمضان الكريم
الموقف ده حصل معايا شخصيا ولو حد حكهولى مكنتش صدقت
انا كومبارس تابع لمكتب تاجير كومبارسات بروح فى مشاهد الخناقات فى المسلسلات والافلام فى مدينة الانتاج
وفى احد ايام بعد عيد الفطر لقيت واحد فى المدينة بيقولى هنصور معاك فقره تقول فيها رايك فى قناة الناس وهنديك خمسين جنيه قلتله ماش قام جايب ليا دقن ملبسهالى واعد يقوللى عايزينك نقول بنشكر الاستاذ على سعد رئيس القناه على مجهوده الكبيروتقول ان احسن برنامج فى قناة الناس السنادى هو الشيخ يحى الاحمدى والشيخ صفوت حجازى والداعيه شريف شحاته وان قناة الناس كانت حلوه اوى فى رمضان وان انا مبحبش غيرها واعد يحفظنى اللى اقوله انا وتلاته معايا كل واحد يشكر فى بعض الشيوخ اللى هما بيعرفونا هما مين ويقولولنا عليهم
بجد انا بعد معملت كدا ندمت عشان حسيت انى خدعت الناس
وحسيت كمان ان الفلوس اللى خدتها منهم فلوس حرام عشان كدبت بيها على الناس
منه لله اللى خلانى اعمل كدا مع انى اصلا مكنتش رايح عشانهم انا كنت رايح فى شغل تانى
منقول للامانه